Sri Dasam Granth Sahib — Page 1330 (hindi)
ਤ੍ਰਿੰਬਕ ਮਹਾ ਰੁਦ੍ਰ ਹੈ ਜਹਾ ॥
त्रयंबक महा रुद्र हैं जहाँ।
ਤ੍ਰਿੰਬਕ ਦਤ ਨਰਾਧਪ ਤਹਾ ॥੧॥
त्रयंबक दत्त नराधिप वहाँ।१।
ਤ੍ਰਿਬੰਕ ਪੁਰ ਤਾ ਕੋ ਬਹੁ ਸੋਹੈ ॥
त्रयंबक पुर ताको बहु सोहे।
ਇੰਦ੍ਰ ਚੰਦ੍ਰ ਲੋਕ ਕਹ ਮੋਹੈ ॥
इंद्र चंद्र लोक को मोहे।
ਸ੍ਰੀ ਰਸਰੀਤਿ ਮਤੀ ਤਿਹ ਨਾਰੀ ॥
श्री रसरीति मति तिहारी नारी।
ਕੰਚਨ ਅਵਟਿ ਸਾਚੇ ਜਨੁ ਢਾਰੀ ॥੨॥
कंचन अवट सांचे जनु ढारी।२।
ਸ੍ਰੀ ਸੁਹਾਸ ਦੇ ਤਾ ਕੀ ਕੰਨ੍ਯਾ ॥
श्री सुहास दे ताकी कन्या।
ਜਿਹ ਸਮ ਉਪਜੀ ਨਾਰਿ ਨ ਅੰਨ੍ਰਯਾ ॥
जिसके समान उपजी नारी न अन्य।
ਏਕ ਚਤੁਰਿ ਅਰੁ ਸੁੰਦਰਿ ਘਨੀ ॥
एक चतुर और सुंदरी घनी।
ਜਿਹ ਸਮਾਨ ਕੋਈ ਨਹਿ ਬਨੀ ॥੩॥
जिसके समान कोई न बनी।३।
ਇਕ ਦਿਨ ਕੁਅਰਿ ਬਾਗ ਕੋ ਚਲੀ ॥
एक दिन कुँवर बाग को चली।
ਬੀਸ ਪਚਾਸ ਲਏ ਸੰਗ ਅਲੀ ॥
बीस पचास लिए संग सखी।
ਜਾਤ ਹੁਤੀ ਮਾਰਗ ਕੇ ਮਾਹੀ ॥
जाती होती मार्ग के माही।
ਸੁੰਦਰ ਨਿਰਖਾ ਏਕ ਤਹਾ ਹੀ ॥੪॥
सुंदर निरखी एक तहाँ ही।४।
ਸੇਰ ਸਿੰਘ ਤਿਹ ਨਾਮ ਬਿਰਾਜਤ ॥
सेर सिंह तिह नाम बिराजत।
ਜਾਹਿ ਨਿਰਖਿ ਰਤਿ ਕੋ ਮਨ ਲਾਜਤ ॥
जाको निरख रति को मन लाजत।
ਕਹ ਲਗਿ ਤਿਹ ਛਬਿ ਭਾਖਿ ਸੁਨਾਊ ॥
कहाँ तक तिह छबि भाख सुनाऊँ।
ਪ੍ਰਭਾ ਕੇਰ ਸੁਭ ਗ੍ਰੰਥ ਬਨਾਊ ॥੫॥
प्रभा के शुभ ग्रंथ बनाऊँ।५।
ਅੜਿਲ ॥
अड़िल। (छंद)
ਰਾਜ ਸੁਤਾ ਜਬ ਤੇ ਤਿਹ ਗਈ ਨਿਹਾਰਿ ਕਰਿ ॥
राज सुता जब ते तिह गई निहारि करि।
ਰਹੀ ਮਤ ਹ੍ਵੈ ਮਨ ਇਹ ਬਾਤ ਬਿਚਾਰਿ ਕਰਿ ॥
रही मति ह्वै मन यह बात बिचारि करि।
ਕੋਟਿ ਜਤਨ ਕਰਿ ਕਰਿ ਕਰਿ ਯਾਹਿ ਬੁਲਾਇਯੈ ॥
कोटि जतन करि करि याहि बुलाइयै।
ਹੋ ਕਾਮ ਕੇਲ ਕਰਿ ਯਾ ਸੌ ਹਰਖ ਕਮਾਇਯੈ ॥੬॥
हो काम केल करि या सौं हरख कमाइयै।६।
ਚੌਪਈ ॥
चौपई। (छंद)
ਸਖੀ ਏਕ ਤਹ ਦਈ ਪਠਾਇ ॥
सखी एक तहँ दई पठाय।
ਜਿਹ ਤਿਹ ਬਿਧਿ ਤਿਹ ਲਯੋ ਬੁਲਾਇ ॥
जिस विधि तिह लयौ बुलाय।
ਪੜਿ ਪੜਿ ਦੋਹਾ ਛੰਦ ਬਿਹਾਰਹਿ ॥
पढ़ पढ़ दोहा छंद बिहरहि।
ਸਕਲ ਮਦਨ ਕੋ ਤਾਪ ਨਿਵਾਰਹਿ ॥੭॥
सकल मदन को ताप निवारहि।७।
ਆਵਤ ਨੈਨ ਨਿਰਖਿ ਕਰਿ ਰਾਜਾ ॥
आवत नैन निरखि करि राजा।
ਇਹ ਬਿਧਿ ਚਰਿਤ ਚੰਚਲਾ ਸਾਜਾ ॥
यह विधि चरित्र चंचला साजा।
ਰੋਮ ਨਾਸ ਤਿਹ ਬਦਨ ਲਗਾਯੋ ॥
रोम नास तिह बदन लगायो।
ਨਾਰਿ ਭੇਸ ਤਾ ਕਹ ਪਹਿਰਾਯੋ ॥੮॥
नारि भेष ता कह पहिरायो।८।
ਝਾਰੂ ਏਕ ਹਾਥ ਤਿਹ ਲਿਯੋ ॥
झाड़ू एक हाथ तिह लियो।
ਦੂਜੇ ਹਾਥ ਟੋਕਰਾ ਦਿਯੋ ॥
दूजे हाथ टोकरे दियो।
ਮੁਹਰਨ ਔਰ ਰਪੈਯਨ ਭਰੋ ॥
मुहरन और रुपैयन भरो।
ਤਾਹਿ ਚੰਡਾਰੀ ਭਾਖਿਨਿ ਕਰੋ ॥੯॥
ताहि चंडालिनी भाखिनि करो।९।
ਨ੍ਰਿਪ ਆਗੇ ਕਰਿ ਤਾਹਿ ਨਿਕਾਰਿਯੋ ॥
नृप आगे करि ताहे निखारियो।
ਮੂੜ ਭੂਪ ਨਹਿ ਭੇਦ ਬਿਚਾਰਿਯੋ ॥
मूढ़ भूप नहिं भेद बिचारियो।
ਕਾਢਿ ਖੜਗ ਤਿਹ ਹਨਤ ਨ ਭਯੋ ॥
काढ़ि खड्ग तिह हनत न भयो।
ਜਾਨਿ ਚੰਡਾਰ ਤਾਹਿ ਨ੍ਰਿਪ ਗਯੋ ॥੧੦॥
जानि चंडाल ताहे नृप गयो।१०।
ਜਿਨ ਇਹ ਮੋਰ ਅੰਗ ਛੁਹਿ ਜਾਇ ॥
जिन यह मोर अंग छुहि जाइ।
ਮੁਝੈ ਕਰੈ ਅਪਵਿਤ੍ਰ ਬਨਾਇ ॥
मुझै करै अपवित्र बनाइ।
ਤਾਹਿ ਪਛਾਨਿ ਪਕਰਿ ਨਹਿ ਲਯੋ ॥
ताहि पहिचानि पकरि नहिं लयो।
ਲੈ ਮੁਹਰੈ ਸੁੰਦਰ ਘਰ ਗਯੋ ॥੧੧॥
लै मुहरै सुंदर घर गयो।११।
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਸਤਤਰ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੭੭॥੬੮੦੮॥ਅਫਜੂੰ॥
इति श्री चरित्र पाख्यान त्रिया चरित्र मंत्रा भूप संवादे तीन सौ सत्रत्तर चरित्र समाप्त। सत सुभम सत। ३७७। ६८०८। अफजूं।
ਚੌਪਈ ॥
चौपई। (छंद)
ਭੂਪ ਤ੍ਰਿਹਾਟਕ ਸੈਨ ਭਨਿਜੈ ॥
भूप त्रिहाटक सैन भनिजै।
ਨਗਰ ਤਿਹਾੜੋ ਜਾਹਿ ਕਹਿਜੈ ॥
नगर तिहाड़ो जाहि कहिजै।