Sri Dasam Granth Sahib — Page 1118 (hindi)
ਦੋਹਰਾ ॥
दोहरा ॥
ਪ੍ਰਥਮ ਸੁਤਾ ਰੂਮੀਨ ਕੀ ਕੀਯੋ ਬ੍ਯਾਹ ਬਨਾਇ ॥
प्रथम सुता रूमीनी की कीयो ब्याह बनाय ॥
ਬਹੁਰਿ ਕਨੌਜਿਸ ਕੀ ਸੁਤਾ ਬਰੀ ਮ੍ਰਿਦੰਗ ਬਜਾਇ ॥੪॥
बहुरि कनौजिस की सुता बरी मृदंग बजाय ॥४॥
ਅੜਿਲ ॥
अड़िल ॥
ਬਹੁਰਿ ਦੇਸ ਨੈਪਾਲ ਪਯਾਨੋ ਤਿਨ ਕਿਯੋ ॥
बहुरि देस नेपाल पयानो तिन कियो ॥
ਕਸਤੂਰੀ ਕੇ ਮ੍ਰਿਗਨ ਬਹੁਤ ਬਿਧਿ ਗਹਿ ਲਿਯੋ ॥
कस्तूरी के मृगन बहुत बिधि गह लियो ॥
ਬਹੁਰਿ ਬੰਗਾਲਾ ਕੀ ਦਿਸਿ ਆਪੁ ਪਧਾਰਿਯੋ ॥
बहुरि बंगला की दिसि आपु पधारियो ॥
ਹੋ ਆਨਿ ਮਿਲ੍ਯੋ ਸੋ ਬਚ੍ਯੋ ਅਰ੍ਰਯੋ ਤਿਹ ਮਾਰਿਯੋ ॥੫॥
हो आन मिल्यो सो बच्यो अर्रयो तिह मारियो ॥५॥
ਜੀਤ ਬੰਗਾਲਾ ਛਾਜ ਕਰਨ ਪਰ ਧਾਇਯੋ ॥
जीत बंगला छाज करन पर धायो ॥
ਤਿਨੋ ਜੀਤਿ ਨਾਗਰ ਪਰ ਅਧਿਕ ਰਿਸਾਇਯੋ ॥
तिनो जीति नागर पर अधिक रिसायो ॥
ਏਕਪਾਦ ਬਹੁ ਹਨੈ ਸੂਰ ਸਾਵਤ ਬਨੇ ॥
एकपाद बहु हनै सूर सावत बने ॥
ਹੋ ਜੀਤਿ ਪੂਰਬਹਿ ਕਿਯੋ ਪਯਾਨੋ ਦਛਿਨੇ ॥੬॥
हो जीति पूरबहि कियो पयानो दछिणे ॥६॥
ਛਪੈ ਛੰਦ ॥
छपै छन्द ॥
ਝਾਰਿ ਖੰਡਿਯਨ ਝਾਰਿ ਚਮਕਿ ਚਾਦਿਯਨ ਸੰਘਾਰਿਯੋ ॥
झारि खण्डियन झारि चमकि चादियन संघारियो ॥
ਬਿਦ੍ਰਭ ਦੇਸਿਯਨ ਬਾਰਿ ਖੰਡ ਬੁੰਦੇਲ ਬਿਦਾਰਿਯੋ ॥
बिद्रभ देसियन बारि खण्ड बुंदेल बिदारियो ॥
ਖੜਗ ਪਾਨ ਗਹਿ ਖੇਤ ਖੁਨਿਸ ਖੰਡਿਸਨ ਬਿਹੰਡਿਯੋ ॥
खड़ग पान गहि खेत खुनिस खण्डिसन बिहंडियो ॥
ਪੁਨਿ ਮਾਰਾਸਟ੍ਰ ਤਿਲੰਗ ਦ੍ਰੌੜ ਤਿਲ ਤਿਲ ਕਰਿ ਖੰਡਿਯੋ ॥
पुनि मार्राष्ट्र तिलंग द्रौड़ तिल तिल करि खंडियो ॥
ਨ੍ਰਿਪ ਸੂਰਬੀਰ ਸੁੰਦਰ ਸਰਸ ਮਹੀ ਦਈ ਮਹਿ ਇਸਨ ਗਹਿ ॥
नृप सूरबीर सुंदर सरस मही दई महि इसन गहि ॥
ਦਛਨਹਿ ਜੀਤਿ ਪਟਨ ਉਪਟਿ ਸੁ ਕਿਯ ਪਯਾਨ ਪੁਨਿ ਪਸਚਮਹਿ ॥੭॥
दछनहि जीति पटन उपटि सु किय पयान पुनि पस्चमहि ॥७॥
ਅੜਿਲ ॥
अड़िल ॥
ਬਰਬਰੀਨ ਕੌ ਜੀਤਿ ਬਾਹੁ ਸਾਲੀਨ ਬਿਹੰਡਿਯੋ ॥
बरबरीना को जीति बाहु सालीना बिहंडियो ॥
ਗਰਬ ਅਰਬ ਕੋ ਦਾਹਿ ਸਰਬ ਦਰਬਿਨ ਕੋ ਦੰਡਿਯੋ ॥
गरब अरबा को दाहि सरब दरबिना को दंडियो ॥
ਅਰਬ ਖਰਬ ਰਿਪੁ ਚਰਬਿ ਜਰਬਿ ਛਿਨ ਇਕ ਮੈ ਮਾਰੇ ॥
अरब खरब रिपु चर्ब जरब छिन एक मै मारे ॥
ਹੋ ਹਿੰਗੁਲਾਜ ਹਬਸੀ ਹਰੇਵ ਹਲਬੀ ਹਨਿ ਡਾਰੇ ॥੮॥
हो हिंगुलाज हबसी हरेव हलबी हनि डारे ॥८॥
ਮਗਰਬੀਨ ਕੋ ਜੀਤਿ ਸਰਬ ਗਰਬਿਨ ਕੋ ਮਾਰਿਯੋ ॥
मगरबीना को जीति सरब गरबिना को मारियो ॥
ਸਰਬ ਚਰਬਿਯਨ ਚਰਬਿ ਗਰਬਿ ਗਜਨੀ ਕੋ ਗਾਰਿਯੋ ॥
सरब चर्बियान चर्ब गरब गजनि को गारियो ॥
ਮਾਲਨੇਰ ਮੁਲਤਾਨ ਮਾਲਵਾ ਬਸਿ ਕਿਯੋ ॥
मालनेर मुल्तान् मालवा बसि कियो ॥
ਹੋ ਦੁੰਦਭਿ ਜੀਤ ਪ੍ਰਤੀਚੀ ਦਿਸਿ ਜੈ ਕੋ ਦਿਯੋ ॥੯॥
हो दुंदभि जीत प्रतीची दिसि जै को दियो ॥९॥
ਦੋਹਰਾ ॥
दोहरा ॥
ਤੀਨਿ ਦਿਸਾ ਕੋ ਜੀਤਿ ਕੈ ਉਤਰ ਕਿਯੋ ਪਯਾਨ ॥
तीन दिसा को जीति कै उत्तर कियो पयान ॥
ਸਭ ਦੇਸੀ ਰਾਜਾਨ ਲੈ ਦੈ ਕੈ ਜੀਤ ਨਿਸਾਨ ॥੧੦॥
सब देसी राजान दै कै जीत निषान ॥१०॥
ਦੇਸ ਦੇਸ ਕੇ ਏਸ ਸਭ ਅਪਨੀ ਅਪਨੀ ਸੈਨ ॥
देस देस के एस सब अपनी अपनी सैन ॥
ਜੋਰਿ ਸਿਕੰਦਰਿ ਸੇ ਚੜੇ ਸੂਰ ਸਰਸ ਸਭ ਐਨ ॥੧੧॥
जोर सिकंदर से चढे सूर सरस सब ऐन ॥११॥
ਭੁਜੰਗ ਛੰਦ ॥
भुजंग छन्द ॥
ਚੜੇ ਉਤਰਾ ਪੰਥ ਕੇ ਬੀਰ ਭਾਰੇ ॥
चढ़े उतरा पंथ के बीर भारे ॥
ਬਜੇ ਘੋਰ ਬਾਦਿਤ੍ਰ ਭੇਰੀ ਨਗਾਰੇ ॥
बजे घोर बादित्र भेरी नगारे ॥
ਪ੍ਰਿਥੀ ਚਾਲ ਕੀਨੋ ਦਸੋ ਨਾਗ ਭਾਗੇ ॥
प्रथी चाल कीनो दसो नाग भागे ॥
ਭਯੋ ਸੋਰ ਭਾਰੋ ਮਹਾ ਰੁਦ੍ਰ ਜਾਗੇ ॥੧੨॥
भयो सोर भारो महा रुद्रे जागे ॥१२॥
ਚੌਪਈ ॥
चौपई ॥
ਪ੍ਰਥਮਹਿ ਜਾਇ ਬਲਖ ਕੌ ਮਾਰਿਯੋ ॥
प्रथमहि जाइ बलख को मारियो ॥
ਸਹਿਰ ਬੁਖਾਰਾ ਬਹੁਰਿ ਉਜਾਰਿਯੋ ॥
सहर बुखारा बहुरि उजारियो ॥
ਤਿਬਿਤ ਜਾਇ ਤਲਬ ਕੌ ਦੀਨੋ ॥
तिबत जाइ तलव को दीनो ॥
ਜੀਤਿ ਦੇਸ ਅਪਨੇ ਬਸਿ ਕੀਨੋ ॥੧੩॥
जीति देस अपने बसि कीनो ॥१३॥
ਅੜਿਲ ॥
अड़िल ॥
ਕਾਸਮੀਰ ਕਸਿਕਾਰ ਕਬੁਜ ਕਾਬਲ ਕੌ ਕੀਨੋ ॥
काश्मीर कसकार कबुज काबुल को कीनो ॥
ਕਸਟਵਾਰ ਕੁਲੂ ਕਲੂਰ ਕੈਠਲ ਕਹ ਲੀਨੋ ॥
कस्टवार कुलू कलूर कैठल कैह लीनो ॥
ਕਾਬੋਜ ਕਿਲਮਾਕ ਕਠਿਨ ਪਲ ਮੈ ਕਟਿ ਡਾਰੇ ॥
काबोज़ किल्माक कठिन पल मै कटि डारे ॥
ਹੋ ਕੋਟਿ ਚੀਨ ਕੇ ਕਟਕ ਹਨੇ ਕਰਿ ਕੋਪ ਕਰਾਰੇ ॥੧੪॥
हो कोटि चीन के कटक हने करि कोप करारे ॥१४॥