Sri Dasam Granth Sahib — Page 1094 (hindi)
ਇਕ ਕੈਲਾਸ ਮਤੀ ਰਹੈ ਰਾਨੀ ਰੂਪ ਅਪਾਰ ॥
एक कैलाश मति रहती रानी रूप अपार।
ਜਾ ਤੇ ਜਗਤ ਨਰੇਸ ਬਿਧਿ ਸੀਖੀ ਜੁਧ ਮਝਾਰ ॥੧॥
जा ते जगत नरेश विधि सीखी जुध मझार।१।
ਚੌਪਈ ॥
चौपई॥
ਸਿੰਘ ਸੁ ਬੀਰ ਨਾਥ ਇਕ ਤਾ ਕੋ ॥
सिंह सु वीर नाथ एक ता को॥
ਰੂਪ ਬੇਸ ਭਾਖਤ ਜਗ ਵਾ ਕੋ ॥
रूप बेस भाखत जग वा को॥
ਅਪ੍ਰਮਾਨ ਤਿਹ ਪ੍ਰਭਾ ਬਿਰਾਜੈ ॥
अपार तिह प्रभा बिराजै॥
ਨਿਸਿਸਿ ਦਿਨਿਸਿ ਨਿਰਖਤ ਮਨੁ ਲਾਜੈ ॥੨॥
निसिसि दिनिसि निरखत मन लाजै॥२॥
ਰੈਨਿ ਦਿਵਸ ਬੈਰਿਯਨ ਬਿਦਾਰੈ ॥
रैनि दिवस बैरियन बिदारै॥
ਸਾਹ ਕੇ ਰੋਜ ਪਰਗਨੇ ਮਾਰੈ ॥
साह के रोज परगने मारै॥
ਏਕ ਜਹਾਜ ਜਾਨ ਨਹਿ ਦੇਵੈ ॥
एक जहाज जान नहिं देवै॥
ਲੂਟਿ ਲੂਟਿ ਸਭਹਿਨ ਕੋ ਲੇਵੈ ॥੩॥
लूटि लूटि सबहिं को लेवै॥३॥
ਅੜਿਲ ॥
अड़िल॥
ਲੂਟਿ ਫਿਰੰਗੀ ਲਏ ਸਕਲ ਇਕਠੇ ਭਏ ॥
लूटि फिरंगी लिए सकल एकठे भए॥
ਸਾਹਜਹਾ ਜੂ ਜਹਾ ਤਹੀ ਸਭ ਹੀ ਗਏ ॥
साहजहा जू जहा तही सब ही गए॥
ਸਭੈ ਲਗੇ ਦੀਵਾਨਿ ਪੁਕਾਰੇ ਆਇ ਕੈ ॥
सबै लगे दीवान पुकारे आइ कै॥
ਹੋ ਹਮਰੋ ਨ੍ਯਾਇ ਕਰੋ ਇਹ ਹਨੋ ਰਿਸਾਇ ਕੈ ॥੪॥
हो हमरो न्य़ाय करो यह हनो रिसाइ कै॥४॥
ਸਾਹ ਬਾਚ ॥
साह बाच॥
ਕਹੋ ਲੂਟਿ ਕਿਨ ਲਏ ਤਿਸੀ ਕੋ ਮਾਰਿਯੈ ॥
कहो लूटि किन लिए तिसी को मारियै॥
ਤਾਹੀ ਕੌ ਇਹ ਠੌਰ ਸੁ ਨਾਇ ਉਚਾਰਿਯੈ ॥
ताही कौ यह ठौर सु नाय उचारियै॥
ਤਾ ਪੈ ਅਬ ਹੀ ਅਪਨੀ ਫੌਜ ਪਠਾਇ ਹੈ ॥
ता पै अब ही अपनी फौज पठाय है॥
ਹੋ ਤਾ ਤੇ ਤੁਮਰੋ ਸਭ ਹੀ ਮਾਲ ਦਿਲਾਇ ਹੈ ॥੫॥
हो ता ते तुमरो सब ही माल दिलाय है॥५॥
ਫਿਰੰਗੀ ਵਾਚ ॥
फिरंगी वाच॥
ਦੋਹਰਾ ॥
दोहरा॥
ਜਹਾ ਕਮਛ੍ਰਯਾ ਕੋ ਭਵਨ ਤਿਸੀ ਠੌਰ ਕੇ ਰਾਇ ॥
जहा कमछ्रया को भवन तिसी ठौर के राय॥
ਅਧਿਕ ਫਿਰੰਗੀ ਮਾਰਿ ਕੈ ਲੀਨੋ ਮਾਲ ਛਿਨਾਇ ॥੬॥
अधिक फिरंगी मारि कै लीनो माल छिनाय॥६॥
ਚੌਪਈ ॥
चौपई॥
ਐਸੇ ਜਬ ਹਜਰਤਿ ਸੁਨਿ ਪਾਈ ॥
ऐसे जब हजरत सुनि पाई॥
ਫੌਜੈ ਅਤਿ ਹੀ ਤਹਾ ਪਠਾਈ ॥
फौजै अति ही तहा पठाई॥
ਉਮਡਿ ਅਨੀ ਚਲਿ ਆਵੈ ਤਹਾ ॥
उमडि अनी चलि आवै तहा॥
ਰਾਜਤ ਭਵਨ ਕਮਛ੍ਰਯਾ ਜਹਾ ॥੭॥
राजत भवन कमछ्रया जहा॥७॥
ਅੜਿਲ ॥
अड़िल॥
ਤਬ ਲੌ ਸਿੰਘ ਸੁ ਬੀਰ ਲੋਕ ਦਿਵ ਕੇ ਗਯੋ ॥
तब लौं सिंह सु वीर लोक दिव के गयो॥
ਰਾਨੀ ਦਯੋ ਜਰਾਇ ਨ ਲੋਗਨ ਭਾਖਿਯੋ ॥
रानी दयो जराइ न लोगन भाखियो॥
ਕਹਿਯੋ ਅਨਮਨੋ ਰਾਵ ਕਛੁਕ ਦਿਨ ਦ੍ਵੈ ਰਹਿਯੋ ॥
कहिओ अनमनो राव कछु दिन द्वै रहियो॥
ਹੋ ਰਾਜ ਸਾਜ ਲੈ ਹਾਥ ਆਪੁ ਅਸਿ ਕੌ ਗਹਿਯੋ ॥੮॥
हो राज साज लै हाथ आपु असि को गहिओ॥८॥
ਜਬ ਲਗਿ ਰਾਜਾ ਨਾਇ ਤਬ ਲਗੇ ਜਾਇ ਹੌ ॥
जब लगि राजा नाय तब लगे जाइ हौ॥
ਇਨ ਬੈਰਿਨ ਕੇ ਸਿਰ ਪਰ ਖੜਗ ਮਚਾਇ ਹੌ ॥
इन बैरिन के सिर पर खड़ग मचाय हौ॥
ਸਕਲ ਬੈਰਿਯਨ ਘਾਇ ਪਲਟਿ ਘਰ ਆਇ ਕੈ ॥
सकल बैरिन घाय पलटि घर आइ कै॥
ਹੋ ਕਰਿ ਹੌ ਜਾਇ ਪ੍ਰਨਾਮ ਪਤਿਹਿ ਮੁਸਕਾਇ ਕੈ ॥੯॥
हो करि हौ जाइ प्रणाम पतिहि मुसकाइ कै॥९॥
ਸੁਨਿ ਐਸੇ ਬਚ ਸੂਰ ਸਭੇ ਹਰਖਤ ਭਏ ॥
सुनि ऐसे बच सूर सभे हरखत भए॥
ਭਾਤਿ ਭਾਤਿ ਕੇ ਸਸਤ੍ਰ ਸਭਨ ਹਾਥਨ ਲਏ ॥
भांति भांति के सस्त्र सबन हाथन लिए॥
ਕਛੁ ਭਟ ਦਲਹਿ ਦਿਖਾਇ ਲ੍ਯਾਏ ਲਾਇ ਕੈ ॥
कछु भट दलिह दिखाय ल्याए लाय कै॥
ਹੋ ਬਡੀ ਫੌਜ ਮਹਿ ਆਨਿ ਦਏ ਸਭ ਘਾਇ ਕੈ ॥੧੦॥
हो बडी फौज महि आन दिऐ सब घाय कै॥१०॥
ਦਸ ਸਹਸ੍ਰ ਨਿਸਿ ਕੋ ਲਿਯ ਬੈਲ ਮੰਗਾਇ ਕੈ ॥
दस सहस्र निसि को लिऐ बैल मंगाय कै॥
ਦ੍ਵੈ ਦ੍ਵੈ ਸੀਂਗਨ ਬਧੀ ਮਸਾਲ ਜਰਾਇ ਕੈ ॥
द्वै द्वै सींगन बधी मसाल जराइ कै॥
ਇਹ ਦਿਸਿ ਦਲਹਿ ਦਿਖਾਇ ਆਇ ਓਹਿ ਦਿਸਿ ਪਰੀ ॥
यह दिसि दलहि दिखाय आइ ओहि दिसि परी॥
ਹੋ ਬਡੇ ਬਡੇ ਨ੍ਰਿਪ ਘਾਇ ਮਾਰ ਕ੍ਰੀਚਕ ਕਰੀ ॥੧੧॥
हो बडे बडे नृप घाय मार क्रीचक करी॥११॥
ਅੜਿਲ ॥
अड़िल॥