ਨਿਤ ਪ੍ਰਤਿ ਤਾ ਸੌ ਕਰਤ ਬਿਲਾਸਾ ॥੩੪॥

Nit prat ta sau karat bilasa ||34||

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਪਚੀਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੨੫॥੬੧੪੨॥ਅਫਜੂੰ॥

Iti Sri Charitra Pakhyane Triya Charitre Mantri Bhoop Sambade Teen Sau Panchi Charitra Samapatam Satu Subham Satu ||325||6142||Aphajoon||

ਚੌਪਈ ॥

Chaupai ||

ਗਹਰਵਾਰ ਰਾਜਾ ਇਕ ਅਤਿ ਬਲ ॥

Gaharvaar Raja Ik Ati Bal ||

ਕਬੈ ਨ ਚਲਿਯਾ ਪੀਰ ਹਲਾਚਲ ॥

Kabe Na Chaliya Peer Halachala ||

ਗੂੜ੍ਰਹ ਮਤੀ ਨਾਰੀ ਤਾ ਕੇ ਘਰ ॥

Goorhrh Mati Naari Taa Ke Ghar ||

ਕਹੀ ਨ ਪਰਤ ਪ੍ਰਭਾ ਤਾ ਕੀ ਬਰ ॥੧॥

Kahi Na Parat Prabhaa Taa Kee Bar ||1||

ਤਹ ਇਕ ਹੁਤੋ ਸਾਹ ਬਡਭਾਗੀ ॥

Tah Ik Huto Shah Badabhaagi ||

ਰੂਪਵਾਨ ਗੁਨਵਾਨ ਨੁਰਾਗੀ ॥

Roopvaan Gunvaan Nuraagi ||

ਸੁਕਚ ਮਤੀ ਦੁਹਿਤਾ ਤਾ ਕੇ ਘਰ ॥

Sukach Mati Duhita Taa Ke Ghar ||

ਪ੍ਰਗਟ ਭਈ ਜਨੁ ਕਲਾ ਕਿਰਣਿਧਰ ॥੨॥

Pragat Bhai Jan Kala Kirandhar ||2||

ਏਕ ਤਹਾ ਬੈਪਾਰੀ ਆਯੋ ॥

Ek Tahaa Bepari Aayo ||

ਅਮਿਤ ਦਰਬ ਨਹਿ ਜਾਤ ਗਨਾਯੋ ॥

Amit Darab Nahi Jaat Ganaayo ||

ਜਵਿਤ੍ਰ ਜਾਇਫਰ ਉਸਟੈ ਭਰੇ ॥

Javitra Jaiphal Ushtai Bhare ||

ਲੌਂਗ ਲਾਯਚੀ ਕਵਨ ਉਚਰੇ ॥੩॥

Laung Laayachi Kavan Uchare ||3||

ਉਤਰਤ ਧਾਮ ਤਵਨ ਕੇ ਭਯੋ ॥

Utarat Dhaam Tavan Ke Bhayo ||

ਮਿਲਬੋ ਕਾਜ ਸਾਹ ਸੰਗ ਗਯੋ ॥

Milbo Kaaj Shah Sang Gayo ||

ਦੁਹਿਤ ਘਾਤ ਤਵਨ ਕੀ ਪਾਈ ॥

Duhit Ghaat Tavan Kee Paai ||

ਸਕਲ ਦਰਬੁ ਤਿਹ ਲਿਯੋ ਚੁਰਾਈ ॥੪॥

Sakal Darab Tih Liyo Churaai ||4||

ਮਾਤ੍ਰਾ ਗ੍ਰਿਹ ਕੀ ਸਕਲ ਨਿਕਾਰਿ ॥

Maatraa Grih Kee Sakal Nikaari ||

ਦਈ ਬਹੁਰਿ ਤਹ ਆਗਿ ਪ੍ਰਜਾਰ ॥

Dae Bahur Taha Aagi Prajaar ||

ਰੋਵਤ ਸੁਤਾ ਪਿਤਾ ਪਹਿ ਆਈ ॥

Rovat Suta Pita Peh Aai ||

ਜਰਿਯੋ ਧਾਮ ਕਹਿ ਤਾਹਿ ਸੁਨਾਈ ॥੫॥

Jariyo Dhaam Kah Taah Sunai ||5||

ਸੁਨ ਤ੍ਰਿਯ ਬਚਨ ਸਾਹ ਦ੍ਵੈ ਧਾਏ ॥

Sun Triya Bachan Shah Dvai Dhaaye ||

ਘਰ ਕੋ ਮਾਲ ਨਿਕਾਸਨ ਆਏ ॥

Ghar Ko Maal Nikasan Aaye ||

ਆਗੇ ਆਇ ਨਿਹਾਰੈ ਕਹਾ ॥

Aage Aai Nihaarai Kahaa ||

ਨਿਰਖਾ ਢੇਰ ਭਸਮ ਕਾ ਤਹਾ ॥੬॥

Nirakhaa Dher Bhasm Ka Tahaa ||6||

ਬਹੁਰਿ ਸੁਤਾ ਇਮਿ ਬਚਨ ਉਚਾਰੇ ॥

Bahur Suta Im Bachan Uchare ||

ਯਹੈ ਪਿਤਾ ਦੁਖ ਹ੍ਰਿਦੈ ਹਮਾਰੇ ॥

Yahei Pita Dukh Hriday Hamare ||

ਆਪਨਿ ਗਏ ਕਾ ਸੋਕ ਨ ਆਵਾ ॥

Aapan Gaye Ka Sok Na Aavaa ||

ਯਾ ਕੋ ਲਗਤ ਹਮੈ ਪਛਤਾਵਾ ॥੭॥

Yaa Ko Lagat Hamai Pachtavaa ||7||

ਪੁਨਿ ਸੁਤਾ ਕੌ ਅਸ ਸਾਹ ਉਚਾਰੇ ॥

Pun Suta Kau As Shah Uchare ||

ਸੋਈ ਭਯੋ ਜੁ ਲਿਖਿਯੋ ਹਮਾਰੇ ॥

Soei Bhayo Ju Likhiyo Hamare ||

ਤੁਮ ਯਾ ਕੋ ਕਛੁ ਸੋਕ ਕਰਹੁ ਜਿਨ ॥

Tum Yaa Ko Kachh Sok Karahu Jin ||

ਦੈ ਹੋ ਦਰਬੁ ਜਰਿਯੋ ਜਿਤਨੋ ਇਨ ॥੮॥

Dae Ho Darab Jariyo Jitno In ||8||

ਭੇਦ ਅਭੇਵ ਨ ਕਛੁ ਜੜ ਪਾਯੋ ॥

Bhed Abhed Na Kachh Jad Paayo ||

ਮੂੰਡ ਮੁੰਡਾਇ ਬਹੁਰਿ ਘਰ ਆਯੋ ॥

Moonnd Mundae Bahur Ghar Aayo ||

ਕਰਮ ਰੇਖ ਅਪਨੀ ਪਹਿਚਾਨੀ ॥

Karam Reakh Apni Pehchaani ||

ਤ੍ਰਿਯ ਚਰਿਤ੍ਰ ਕੀ ਰੀਤਿ ਨ ਜਾਨੀ ॥੯॥

Triya Charitra Kee Reet Na Jaani ||9||

ਸਾਹੁ ਸੁਤਾ ਇਹ ਛਲ ਧਨ ਹਰਾ ॥

Saahu Suta Yeh Chhal Dhan Haraa ||

ਭੇਦ ਨ ਤਾ ਕੇ ਪਿਤੈ ਬਿਚਰਾ ॥

Bhed Na Ta Ke Pitai Bichraa ||

ਸ੍ਯਾਨਾ ਹੁਤੋ ਭੇਦ ਨਹਿ ਪਾਯੋ ॥

Syaanaa Huto Bhed Nahi Paayo ||

ਬਿਨੁ ਲਾਗੇ ਜਲ ਮੂੰਡ ਮੁੰਡਾਯੋ ॥੧੦॥

Binu Laage Jal Moonnd Mundayo ||10||

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਛਬੀਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੨੬॥੬੧੫੨॥ਅਫਜੂੰ॥

Iti Sri Charitra Pakhyane Triya Charitre Mantri Bhoop Sambade Teen Sau Chhabees Charitra Samapatam Satu Subham Satu ||326||6152||Aphajoon||

ਚੌਪਈ ॥

Chaupai ||

ਅਚਲਾਵਤੀ ਨਗਰ ਇਕ ਸੋਹੈ ॥

Achalaavatee Nagar Ik Sohai ||

ਅਚਲ ਸੈਨ ਰਾਜਾ ਤਹ ਕੋਹੈ ॥

Achal Sain Raja Tah Kohai ||